Ռիհաննայի տան ուղղությամբ կրшկոցներ արձակած կնոջը մեղադրանք է առաջադրվել

Ֆլորիդայից 36-ամյա Իվաննա Լիսեթ Օրտիսին 14 մեղադրանք է առաջադրվել Ռիհաննայի և A$AP Rocky-ի տան ուղղությամբ կրակոցների գործով։ Այս մասին գրում է PBS-ը։  

Մեղադրանքները հրապարակվել են սեպտեմբերի 30-ին։ Դատարանը Օրտիսի համար սահմանել է 2.6 միլիոն դոլարի գրավ, իսկ նրա փաստաբանը ներկայացրել է անմեղության վերաբերյալ հայտարարություն։  

Դեպքը տեղի է ունեցել մարտի 8-ին։ Քննիչների տվյալներով՝ Օրտիսը մեքենայով մոտեցել է Բևերլի Հիլզի շրջանում գտնվող զույգի տան դարպասներին և  20 կրակոց է արձակել տան ուղղությամբ։ Ոչ ոք չի տուժել։  

Այդ պահին տանն են եղել զույգի երեք երեխան, Ռիհաննայի մայրը և մի քանի աշխատակից։ Հայտնի է, որ դեպքին նախորդող ամիսներին Օրտիսը սոցիալական ցանցերում Ռիհաննայի մասին սպառնալիք պարունակող արտահայտություններ էր հրապարակել։  

Մեղավոր ճանաչվելու դեպքում Օրտիսին կարող է սպառնալ երկարաժամկետ ազատազրկում։