Եղանակն՝ այսօր180.000.000 դոլար. Քարդաշյան քույրերի դեմ դատական հայց է ներկայացվել
Ամերիկյան Hillair Capital Management ներդրումային ընկերությունը դատական հայց է ներկայացրել Քորթնի, Քիմ և Քլոյե Քարդաշյան քույրերի դեմ` պահանջելով 180 մլն դոլար:
Ինչպես հայտնում է The Daily Mail-ը, բազմամիլիոնանոց հայցը կապված է քույրերի Kardashian Beauty դիմահարդարման ու մարմնի խնամքի պարագաների արտադրության բիզնեսի հետ:
Նշվում է, որ վերոհիշյալ ներդրումային ընկերությունը ավելի քան 10 մլն դոլարի ներդրում է արել Kardashian Beauty-ի զարգացման համար, սակայն Քարդաշյան քույրերը դիմել են խորամանկության
ու խախտել կնքված պայմանագրի կետերը:
Ներկայացված հայցում ասվում է, որ Hillair Capital Management-ը 2014թ. հուլիսին խոշոր գումար է ներդրել Քարդաշյանների բիզնեսի զարգացման մեջ այն պայմանով, որ աստղային քույրերը կշարունակեն հանդիսանալ բրենդի գովազդային դեմքը, ակտիվորեն կզբաղվեն դրա մարքեթինգով` նպաստելով վաճառքի ծավալների ավելացմանը:
Սակայն քույրերը ոչ միայն դադարեցրել են բրենդի մարքեթինգն ու գովազդը, այլև սկսել են նոր պոտենցիալ ներդրողների փնտրել` Hillair Capital Management-ին խաղից դուրս հանելու համար:
Studio One