Կրքոտ արգենտինուհուն խստիվ արգելված է եղել Օբամային տանգոյի հրավիրելը (լուսանկարներ, տեսանյութ)

ԱՄՆ-ի նախագահ Բարաք Օբամայի՝ Արգենտինա այցի ժամանակ նրա հետ կրքոտ տանգո պարած կինը` Մորա Գուդոյը, վերջերս տված հարցազրույցում պատմել է, որ իրականում իրեն խստիվ արգելված է եղել Միացյալ Նահանգների նախագահին տանգոյի հրավիրելը։

Ինչպես նշում է The Daily Mail-ը, 43-ամյա պրոֆեսիոնալ պարուհին, ով նախկինում որպես մոդել է աշխատել Playboy էրոտիկ ամսագրի համար, նշել է, որ իր հրավերը մեծ անակնկալ է եղել բոլորի` հատկապես Արգենտինայի նախագահ Մաուրիսիո Մակրիի համար:

«Պաշտոնական արարողակարգի համաձայն՝ ինձ չէր թույլատրվում Օբամային տանգո պարելու հրավիրել։ Ինձ այդ մասին նախապես զգուշացրել էին, բայց ես որոշեցի համարձակ գտնվել ու դիմել այդ քայլին: Չէ՞ որ նման բան կյանքում միայն մեկ անգամ է լինում»,-ասել է պարուհին: