Անջելինա Ջոլին մարմնավորում է կրծքագեղձի քաղցկեղով տառապող ռեժիսորի

Անջելինա Ջոլին մերկ լուսանկարվել է Time France-ի շապիկի համար՝ բացահայտելով 2013 թվականին կրած պրոֆիլակտիկ մաստեկտոմիայից առաջացած սպիները: Ամսագրին տված հարցազրույցում 50-ամյա դերասանուհին նաև խոսել է իր նոր ֆիլմի մասին, որտեղ նա մարմնավորում է կրծքագեղձի քաղցկեղով տառապող ռեժիսորի։

«Ես այս սպիները կիսում եմ շատ կանանց հետ, որոնց սիրում եմ: Եվ միշտ հուզվում եմ, երբ տեսնում եմ, թե ինչպես են այլ կանայք կիսվում իրենց սպիներով: Ես ուզում էի միանալ նրանց», - ասել է Ջոլին՝ ցույց տալով իր վիրահատության սպիները:

Նա պատմել է, որ ֆիլմի սցենարը իր համար «անձնական պատմություն» էր, քանի որ ինքն էլ «դժվարություններ, հիվանդություններ և ցավ է ապրել»։ Ջոլին բացատրել է, որ ֆիլմի սցենարը գրավել է իրեն, քանի որ ռեժիսոր Ալիս Վինոկուրը պատմում է մի պատմություն, որը «շատ ավելի հեռու է գնում, քան հիվանդ մարդու ճանապարհորդությունը. այն ցույց է տալիս կյանքը»։ «Հենց այս պայծառ հեռանկարն էր, որ հուզեց ինձ և ստիպեց ինձ ցանկանալ խաղալ այս դերը», - նշել է դերասանուհին։

Նշենք, որ Անջելինա Ջոլին 2013 թվականին հայտարարեց իր մաստէկտոմիայի մասին՝ այդպիսով ուշադրություն հրավիրելով կրծքագեղձի քաղցկեղի սկրինինգի անհրաժեշտության վրա։ Նրա որոշումը, ըստ մասնագետների, աննախադեպ ազդեցություն ունեցավ, որը անվանվեց «Անջելինայի էֆեկտ». Ֆրանսիայում այն ​​հանգեցրեց սկրինինգների մակարդակի 20%-ով աճի։

Ջոլին ամուսնացած է եղել երեք անգամ։ Նրա վերջին ամուսինը Բրեդ Փիթն էր, ում հետ նա ունի վեց երեխա (այդ թվում՝ երեք որդեգրված երեխա)։ Զույգը վերջնականապես ամուսնալուծվել է 2024 թվականի դեկտեմբերին՝ երկարատև վեճի պատճառով։