Մթնշաղը (Сумерки) ֆիլմը կրկին գրավել է ռուսական կինոթատրոնները

Քեթրին Հարդվիկի 2008 թվականի «Մթնշաղը» ֆիլմը սեպտեմբերին դարձել է Ռուսաստանի ամենաշատ եկամուտ ապահոված ֆիլմը։ Ինչպես հայտնում է Gazeta.ru-ն, այն կրկին վարձույթում հայտնվելուց հետո երկու շաբաթում հավաքել է ավելի քան 334 միլիոն ռուբլի։

Ֆիլմը ռուսական կինոթատրոններում կրկին ցուցադրվել է սեպտեմբերի 17-ից։ Մինչև ամսվա ավարտը այն կարողացել է առաջ անցնել այդ շրջանում ցուցադրված պրեմիերաներից, այդ թվում՝ ռուսական «Ինչպես Իվանը հայտնվեց հեքիաթում» և «Իններորդ մոլորակը» ֆիլմերից։

Սեպտեմբերին ֆիլմից առաջ անցել է միայն «Հրաժեշտ» կարճամետրաժ ֆիլմը, որը, ըստ հրապարակման, Ռուսաստանում ցուցադրվում է հոլիվուդյան նոր ֆիլմերի ոչ պաշտոնական նախնական ցուցադրություններից հետո։

Հոկտեմբերին ևս «Մթնշաղը» շարունակում է հաջողությունը։ Ամսվա ընթացքում այն արդեն հավաքել է շուրջ 29 միլիոն ռուբլի և այս պահին զբաղեցնում է հինգերորդ հորիզոնականը։

Ֆրանշիզայի հաջողությունը, սակայն, դրանով չի ավարտվում։ Հոկտեմբերի 8-ին ռուսական կինոթատրոններում կցուցադրվի երկրորդ մասը՝ «Сумерки. Сага. Новолуние»-ն։ Դրան կհաջորդեն նաև հայտնի վամպիրական պատմության մյուս մասերը։

Վերջին շրջանում ֆիլմը կրկին մեծ հետաքրքրություն է առաջացրել նաև համացանցում։ Երկրպագուների կայքերի ամենաարագ աճող լսարանը 18-24 տարեկաններն են, իսկ ֆիլմի մասին նյութերի նկատմամբ հետաքրքրությունը Ռուսաստանում աճել է հինգ անգամ։